" Eu de moza era unha viciosa de cantar"Concha de Luneda

Mi má eu quixera ser tan encantadora coma esta muller , ademais de excelente cantadora, unha traballadora nata ... deixovos algunha das frases célebres que puiden rescatar do Alalá de onte.

"Eu son pobre pero son a máis rica de Luneda porque son feliz"

"Eu casei cun home probe porque se casas cun rico es criada toda a vida e así o que tes suáchelo"

"A vida é lindiiiiiisima lindísimaaaa , só hai que saber levala"

"Eu fago calzóns longos de algodón puro porque agora aos homes cápanos con eses calzóns cortos " e despois un ataque de risa ;P


Chamoume muito á atención o xeito de tocala pandeireta , porque collíaa coa esquerda coa pel para abaixo e tocaba na madeira cun pao que sostiña coa dereita... será por incultura mais nunca ollara tocar así.

Unha muller auténtica ,tanto que algunhas (elea e máis eu) nun puidemos evitar soltar algunha bágoa.


Por certo agora buscando en internet algo sobre ela atopei na sección de xistra de coruxo dentro da páxina www.ghastaspista.com unha nova canción co meu nome que lla recolleron a Sr.Concha cuxa volta dí:

Que lindas pernas ten a Carolina
non son cortas, non son larghas,
non son ghordas non son finas.

Marcho de festa nenos que non se pode esquecer que Compostela está en festa , opaí a Ascensión.